నాలో నేను..
దిగంతాలు జారిపోతున్నై, వసంతాలు తరలి పోతున్నై...
ప్రతి ఉదయం రాత్రి లోకి మారిపోయి, రోజులు గడిచిపోతున్నై!
నిన్నల్లో నేడుల్లో గతం మిగిలిపోతోంది.
పసితనం నుంచి ఎదిగి ప్రౌఢ దశను మించిపోయి ,
కదలిపోతున్న కాలంలో కలసిపోతున్నా ...
ఇంతవరకు నాకు ఏంకావాలో తెలుసుకోలేదు,
ఇంతవరకు నా గమ్యం ఏమిటో తెలీదు...
అసలు నేనేమిటో నాకు ఇంకా తెలీదు.
ఇంక ప్రపంచం గురించి ఏం తెలుసుకొను?
ఇంకో మనిషి గురించి ఏం తెలుసుకొను?
ఇలా ఏమి తెలియనితనంలో ఈ పరుగు
ఎందుకో? ఎక్కడికో?
